Jæja, þá er ég komin heim frá Noregi, og ekki bara heim heldur mætt strax til vinnu! Haldið að það sé dugnaður.

Pabbi gamli orðinn fimmtugur, og öll herlegheitin í kring um það búin.
Ég komst stórslysalaust heim, fyrir utan að vera næstum því dáin á leiðinni, því loftræstingin í lestinni var biluð og það er ekkert grín að vera lokaður inni í litlu glerbúri með engum gardínum né gluggum í 5 klukkustundir í 25 stiga hita og massívri sól.

Enda var það fyrsta sem ég gerði áður en ég fór í næstu lest var að fara á klósettið og skipta um föt því þau sem ég var í voru gegnvot! Ég hafði 25 mínútur til þess, hljóp að salerninu, en þá var einhver bölvuð vél þarna sem vildi taka 150 kr (ísl) fyrir það að fara á klóstið. Mér datt í hug að klifra bara yfir hana þar sem ég var ekki með klink en nei þá eru þeir líka með mann í vinnu sem að fylgist með því að maður borgi í vélina! þannig að ég þurfti að hlaupa til baka í hraðbanka, fara í búð og skipta peningnum og borga síðan í þessa blessuðu vél og fara svo inn á salernið. Þar sem maður borgar fyrir að fara inn á þetta salerni þá gerði ég nú ráð fyrir að það væri frekar þrifalegt, en nei, þetta klósett var eins og Osama Bin Laden hafi flogið flugvél fullri af kúk og túr inn í bygginguna. Oj bara.
En jæja þegar ég var búin með 20 mínútur af þeim 25 sem ég hafði, uppgvötaði ég að ég hafði litið vitlaust á lestarplanið og mín lest færi eftir eina mínútu, svo ég fann rétt brautarnúmer og hljóp eins og geðsjúklingur og rétt náði inn í lestina. Það hefði nú verið kostulegt fyrir mig að taka vitlausa lest, svona í ljósi þess hve öflugur túristi ég er, en þetta hófst og ég komst á flugvöllinn í heilu lagi og á réttum tíma, með ALLT dótið mitt.

Ég veit, þetta er kraftaverk.

Og svo er maður að fara til Thailands, ég veit ekki hvernig það á eftir að verða haha, en ég verð nú ekki ein á ferð þar svo þetta ætti að reddast ;)